حكايه عزة بقلم هويدا زغلول

حكايه عزه 
الحلقه الاولي
بقلم هويدا زغلول
وقبل ما نبدا الحكايه اعرفكم بنفسي أنا 
عزه عايشه مع امي وجوزها في بيتنا 
بعد ما ابويا راح 
وعندنا عربيه فول صغيره وفي يوم كنت 
راجعه من الشغل وهاني جوز امي 
كان قاعد وقفلت الباب واترزع علشان كنت 
شايله حاجات وقال
هاني _ الله يا بت بتقفلي الباب كده ليه
وبعدها حطيت الحاجه وقولت ليه
عزه _ هو انت مش شايف اللي بايدي يعني
اترزع ڠصب عني
هاني _ عارفه يا بت يا عزه لو تحني ليا بس 
انا ممكن اعمل اي علشانك
_وامك هتعملي ايه يعني ما انتي كل مره بتروحي تشتكيلها وبتديكي على دماغك

عزه _صبرني يا رب امتى مش من البيت ده بقى
وبعدها دخلت امي وقالت
الام _ايه ده في ايه مالكم واقفين كده ليه
هاني _تعالي شوفي بنتك يا اختي عماله اقولها خشي اعمليلي كوبايه شاي مش راضيه بنتك دي ما بقتش تسمع الكلام
الام _اخص عليك يا عزه ليه كده ما تخشي تعملي لابوكي كوبايه شاي
عزه _ متقوليش ابوكي وبعدها دخلت 
اوضتي وكنت مخنوقه اوي من اللي انا 
فيه لأن بفضل حابسه نفسي في اوضتي 
لحد تاني يوم وتاني يوم صحيت وروحت علي 
العربيه وجه المعلم سيد وقال
سيد _سندوتشين فول والنبي يا عزه معقوله الحلاوه دي تقف تبيع فول برده ده انتي اللي زيك يتستت في البيت
عزه _هم اللي زينا هيتستتوا ازاي يا معلم سيد روح المحل بتاعك وانا
هجيبلك السندوتشات وبعدها جت امي 
وقالت
الام _ بقولك ايه يا بنت يا عزه روحي روقي البيت وانا هقف على العربيه
عزه _ هو انتي مش پتخافي عليا خالص ازاي عايزاني اروح وجوزك موجود في البيت
الام _وجوزي هيعملك ايه يا اختي ده قد ابوك يا بنت
عزه _ انتي عارفه كويس قوي 
الام _ دي اوهام يا حبيبتي يلا يا بنت روحي روقي الشقه اخلصي
عزه _ اللي تشوفي وبعدها مشيت وقلبت 
ام ابراهيم ومعاها ابراهيم ابنها ربنا يشفي 
يارب سن ٢٥ وعقل ١٠ سنين
الام _رايحه فين يا بت يا عزه ده انا كنت جايه لكم على العربيه
عزه _ رايحه الشقه خير في حاجه
الام _ لا خلاص يا حبيبتي روحي انت وانا هروح اتكلم مع امك عايزاها في موضوع كده
عزه _ تمام يا حبيبتي وبعدها بصيت لابراهيم ازيك يا ابراهيم عامل ايه
ابراهيم _ بحبك يا عزه هتجوزك يا عزه
عايز

عزه يا اما وانا كنت باخد كلامه 
ضحك لانه عالطول بيقول الكلمه دي
الام _ بس يا واد ما ينفعش اكلمك ده في الشارع خلاص يا حبيبتي روحي انتي 
وبعدها مشيت وهي اخدت ابراهيم ومشيت
وراحت عند امي
الام _ازيك يا ام ابراهيم عامله ايه تعالي يا حبيبتي اقعدي ازيك يا ابراهيم اخبارك ايه
الحما _ بخير والله يا حبيبتي عملت ايه في الموضوع اللي قولتلك عليه كلمتي عزه فيه
الام _ هو انتي كنت بتتكلمي بجد يا ام ابراهيم ولا ايه هو انتي حبيبتي مش شايفه بنتي عامله ازاي وابنك عامل ازاي ده انا بنتي قمر مش هديها الا اللي يتقلها دهب
الحما _ يبقى جبت الخلاصه مين بقى في الحاره هيقدر يتقل عزه دهب غير ابني عايزه اقولك 
شقته اي جميله اوي غير انتي كمان 
هتسيبي الاوضه والعربيه وهديكي فلوس 
كل شهر وشقه كمان
الام _هو انتي بتتكلمي بجد يا ام ابراهيم الله يخليكي ونفسي في توك توك عايزه هاني يشتغل شويه
الحما _ده انا عيني ليكي يا حبيبتي بس كده تؤمري عروستنا بس توافق وانا جاهزه من مجاميعو
الام _ احنا ما عندناش بنات تقول رايها الفرح الخميس الجاي وبعدها أنا روحت