بعد مجوزى طلقنى اتجوزت اخوه الصغير
تقيل مش كدا بردو يا ياسين عمر طول عمره مقالبه تقيله صح
ياسين
بصلها بحزن وۏجع في قلبو علي شكلها المصډوم وانها بتحاول تنكر الواقع لان كان عارف بجواز عمر اخوه من بنت خالتو فريده بس ساكت لان مكنش ينفع يقولها ودلوقتي بردو سكت
صفيه بمكر
لا ياحبيبتي عمر مش بيهز معاكي عمر بيتكلم حد وجد اووي كمان هو اتجوز بنت اختي فيروز من اول ماخالو بعتلو عقد العمل اللي في الامارات وسافر وهو اتجوزها
بدموع أنهيار
لالالا مش صح هااا مش صح والله مش صح اتكلم ياعمر قول انو ده مش حقيقي
عمر ببرود
ده حقيقي كل اللي قالته أمي انو فيروز مراتي
جميله
پبكاء وصوت متقطع
ليه طيب ليييه انا قصرت في ايييه معاك هااا قصرت في ايه جيت واتجوزتني وقولتلي عيشي مع امي اخدميها قولت حاضر جيت وقولتلي هسافر بره واتغرب ومش هاخدك معايا قولت بردو مستقبلك ووافقت وقولت حاااضر ومكنتش بتنزل ليا اجازات خالص ولا بتكلمني قولت مش مشكله استحملي يابت لاني بحبك بس بعد ده كلو تقولي اتجوزت بسهوله كدا ده انا اللي كنت مستنيه يوم رجوعك بفارغ الصبر
جراااا ياجميله جراا اييه هو ايه اللي حصل لده كلو ده الواد كل اللي عامله انو اتجوز بت خالتو يعني مش حد غريب يعني مكفرش علشان كل المناحه اللي انتي عملاها دي
عمر
بالظبط ياامي عندك حق محصلش حاجه لده كلو ياجميله وبعدين فيروز مراتي زي مااانتي مراتي فامتكبريش الموضوع
جميله بدموع
اتكلمت فيروز اللي اتخلت عن سكتها ووجهت الكلام لعمر وقالت...
فيروز بميوعه
ممكن ندخل بقا ياحبيبي انا رجلي وجعتني اووي ومن ساعة ماجيت وانتو بتتكلمو وشكل هيفضل النقاش ده مستمر لبكرا الصبح ومش هيخلص وكمان مش ده المفروض الاستقبال اللي مفروض يكون لينا وعلشان كمان فريده نامت
عمر
عندك حق ياحبيبتي متزعليش وحقك عليا
واخدها ودخلو اوضتهم اللي كانت محضراها ليهم صفيه
صفيه
معلش ياجميله المفاجأت كانت صعبه عليكي شويه بس يلا الحمدلله لله
وبصت عليها وضحكت ضحكت شماته وسابتها هي كمان مع ياسمين ودخلت اوضتها...
ياسين بحزن
حقك عليا انا والله حقك عليا انا اسف نيابه عنهم بس قومي ومتعيطيش بالشكل ده مش بحب اشوفك كدا والله
جميله
پبكاء
موجوعه يا ياسين والله حسه اني سمعه صوت تكسير قلبي في وداني
ياسين
حااسس والله حاسس بۏجع واكتر ياجميله بس قومي كدا واستهدي بالله وادخلي اوضتك والصبح نشوف هنعمل ايه وانا معاكي في اي حاجه عيزاها وتريحك انتي وبسس
تاني يوم الصبح كلو اتجمع علي السفر وكان معاهم عمها
وخرجت جميلة وكان باين علي شكلها اثر البكاء
صفيه
مالسه بدري ياست جميلة هانم نمسيتك كحلي مصحتيش ليه بدري تحضري الفطار حلو كدا لمه قوما انا عملته
جميلة بصت عليهم مردتش وهنا اتكلم عمر وقال..
عمر ببرود
طلام الكل قاعد ومتجمع كنت عايز اقول قدامكم كلمتين انا مش ناوي اطلق فيروز لأن مصدقت اني اتجوزتها اصلاا وبحبها
وبص لفيروز ومسك إيدها وبسها وكمل كلامه...
ولا بردو ناوي اطلقك يابت عمي إلا اذا انتي كنتي عايزه
