اسكرييت بقلم سميره محمود

ل كل شخص عنده إنسانية.. ألا هو! أول مره ألاقي سبب فعلي يفهمني أنا ليه مش بقبل أكرم.
_توقفيني ف الشارع عشان بنت ماتعرفيش أصلها ايه!
حرام عليك دي كانت بټعيط.
_و ايه يعني دي تلاقيها حرامية و لا أهلها مسلطينها عشان يستعبطوا اللي زيك!
اللي زيي! يعني ايه اللي زيي!
_البنت دي لازم تنزل أنا هقف بالعربية و أنت ترجعيها زي ما جبتيها.

مستحيل هرجعها للشارع.
_طب خليك مرتاحة.. أنا هنزلها.
شدها مني ب كل قساوة و جبروت و فتح الباب و نزل سندها ع الرصيف كأنه بيرمي قطة.. تصرف حالي من أي شعور إنساني.
نزلني!
_أنزلك فين!
بقولك نزلني.. مادام نزلت البنت يبقي أنا كمان هنزل!
_تنزلي فين أنت مچنونة.. عايزة تقارني وجودك معايا ب وجود طفلة متشردة زي دي.
ماتقولش عليها متشردة
_اهاا نسيت ماهو الأصل بيحن!
تنحت من الكلمة و ماقدرتش أنطق
أصل! أنت تقصد ايه!
_كنت فاكر إن العيشة مع نوال هانم هتنسيك لكن للأسف ده شئ مغروز جواك.
نزلني يا أكرم.
عياطي و صړيخي معاه كان أقوي من صوت الطفلة.. ل لحظة حسيت إني فوقت من الحلم الجميل.. جريت ع الرصيف و حضنت البنت و قعدت جنبها.. كنت بحضنها عشان شوفته نفسي فيها.. حسيت إن دي أنا و أنا صغيرة.. كنت مكانها من 23 سنة.
مين دي يا حورية!
هتقعد معايا لحد ما ألاقي حل!
حل ل ايه! أنت عايزة تحتفظي ب البنت دي هنا ف البيت! أنت عارفة دي مين! أصلها ايه! وراها ايه! مخطۏفة و لا مين أهلها!
أنا ماعرفش أي حاجة عنها.
يبقي ترجعيها للمكان اللي جبتيها منه.
لأ.. البنت دي هتقعد معايا لغاية ما أعرف مين أهلها.
و لو ملهاش أهل!
هبقي أنا أهلها.
كلامي كان غير منطقي.. إزاي بنت لسه بتدرس هتربي طفلة صغيرة ماتعرفش عنها حاجة.. لكن عشان فعلا الأصل بيحن.. فماكنش ينفع أتخلي عنها.. أنا ربنا بعتني ليها عشان أنقذها من أي شړ ممكن يقابلها لو كملت حياتها ع الرصيف.
وجودها معاك مسئولية عليك يا حورية!
يعني ايه!
يعني كلام والدتك صح.. البنت دي أنت ماتعرفيش أهلها مين و ايه وراها.. ممكن تكون تايهة و ليها أهلها مش زي ما أنت متخيلة.
طب أعمل ايه!
نروح بيها القسم و نسلمها هناك.
أنا لا يمكن أسيبها.
أنا ماقولتش إنك هتسبيها بس لازم نتصرف تصرف قانونب يحميها و يحميك.
كلام إيمان صاحبتي ف الجامعة كان مقنع جدا.. جايز يكون ليها أهل و بيدوروا عليها فعلا مش يتيمة زي.. أنا لازم أدور ع أهلها.
روحنا القسم و استلموها مني و قالوا إنهم هيدوروا ع أهلها و هيشوفوا كل بلاغات الأطفال اللي عندهم و هيوصلوا ل اهلها.
بعد موضوع البنت ب أسبوعين أكرم كان بيحاول يوصلي و يصالحني و يقرب من تاني ب أي شكل.. لكن زي ما أكون أخيرا استغليت الفرصة.. أو أخيرا لقيت فرصة و سبب أتمسك بيهم عشان أنهي وجود أكرم من حياتي للأبد.
هتروحي معايا!
هنروح فين!
هروح أسأل ع البنت اللي وديتها القسم و أشوف لقيوا أهلها و لا لأ.
هروح معاك.
لما وصلنا ب العافية عرفنا نوصل ل أي معلومة عنها و اللي عرفته إن زي ما كنت حاسة و متوقعة البنت مالهاش أهل.. عشان كده القسم سلمها ل دار أيتام تابع ليه.
رايحة فين!
نازلة مشوار مهم!
مشوار بخصوص ايه!
نازلة مع إيمان هنشتري حاجة
طب أكرم كان عايز معاد و يجي يقابلك.
يقابلني!!
بلاش تخسري أكرم عشان سوء فهم حصل بينكم.
ده مش سوء فهم.. ده سوء أخلاق.. سوء إنسانية.. سوء عقل.. أنا لا يمكن اسمح ب وجود الشخص ده