حقوق ماريانا بقلم ماريانا
معاه أي مش هسيء الظن بس أنا متأكد إنها بالرخص دا... هي بردو مكانتش ملحظاني أو عارفة أنا مين تقريبا كنت مجرد لعبة زي غيرها بالنسبة لها فنستني بسرعة سلمت شغلي و هي طلعت برا كنت هخرج لحد ما وقفني المدير بكلامه
_ يا بشمهندس عمر ..
لفيت ضهري ليه و اتكلمت بأستغراب
نعم يا فندم فيه حاجة
_لا متقلقش بس هو إنت إللي عامل دا
_عامل كل دا في ست ساعات
اتنهدت و وطيت رأسي شوية
أنا أسف عارف إنه كتير بس دي أول مرة إشتغل فيها في شركة و اعتقد إني وضحت دا في الانترفيو بتاعي
لقيته فجأة بيضحك و سند رأسة علي الكرسي إللي هو قاعد عليه
و كمان أول مرة ..بص يا عمر إنت علي المستوي دا هتترقي و تبقي مكاني في أقل من سنة دا إنا ممكن اعترف ان مستواك ممكن يتفوق عليا مع شوية خبرة كمان
دا بجد
_أيوة.. هختبرك لمدة ثلاث شهور لو عديت مستوي توقعاتي و طلعت قد المسؤولية بالنسبة لي هعينك كنائب ليا و مش هتحتاج تترقي كتير لحد ما توصل ليا هما هيبقوا ترقيتين بس يا هندسة موافق علي كلامي و لا
لا طبعا موافق
_تمام إطلع علي أول المدخل هتلاقي البنت إللي شعرها اشقر دي هي السكرتيرة قاعدة علي مكتبها ..قولها إني عايزها في موضوع
_طيب ماشي
مشيت و رحت قربت من المدخل علشان أشوف المكتب بس لقيت عليه بنت تانيه بنت مخمرة لابسة لبس إسلامي لونه بنفسجي بس منزلة رأسها بتعمل شغل علي الكمبيوتر او حاجة تقريباملقيتش سارة فقررت أروح اسأل البنت
_بعد اذن حضرتك..
لقيتها رفعت رأسها ملامح في قمة التناسق و عيون واسعة و زرقا بتلمع دا غير خمارها إللي محليها ابتسمت ليا و سابت الشغل إللي في أيدها علي الكمبيوتر
بصيت ليها بتفاجؤ من جمالها كانت مبتسمة ليا و بتبص بتفاؤل
_معلش بس هي فين الأستاذة سارة
لقيت نظرتها ليا اتغيرت و تعبير وشها قلبخفت صراحة تأخد عني فكرة وحشة و تقول إني أنا إللي عايز سارة
_بعد اذنك إما تشوفيها قوللها ان مدير القسم البشمهندس حسام عايزها في موضوع
لقيت تعابيرها رجعت تآني و ابتسمت ليا
ابتسمت ليها و مشيت رجعت اليوم دا البيت و هي شاغلة تفكيري ..كانت بنت محترمة و دا واضح علي شكلها بس إللي استغربته هو تغير ملامح وشها لما قولت إني عايز سارة..يا تري سارة كانت متعودة تقابل رجالة كتير فهي متضايقة من الحتة دي هما في الأغلب أكيد مش رجالة ..دول بيبقي أخرهم ذكور!
كملت كذا اسبوع بروح الشغل و بشوف البنت دي علي المدخل في الشركة و هي قاعدة بتخلص شغلها و كل يوم بتيجي بزي إسلامي لونه جديد
