حامل ف توأم جديد
عياله
نوال
تصدقي يامي عندك حق انا هتكلم معاه تاني وصحيح منا اجوزة واحده تانيه ايه المانع ابني الحمد لله مقتدر ويعرف يفتح بيت واتنين
مي
وطبعا ياخالتو مش هتلاقي احسن مني لشريف صح ولا ايه
نوال
اه طبعا اومال وبعدين منا عارفة طول عمرك ھتموتي عليه
مي
انا بحب شريف اوي ياخالتو ونفسي أعيش معاه ولو حتى يوم واحد مش قادرة اتخيل ان البومة دي مراته وانا لا
خلاص سيبي الحكايه دي عليا واللي فيه الخير يقدمه ربنا
وبعد ايام كنت نازله انا ومروة سلفتي من فوق عندي ودخلنا عند حماتي وقالت
نوال
ايه يا مروة كل ده على ماتنزلي هو انا مش بعتلك من الصبح بنتك تناديلك الواد ھيموت من العياط عايز يرضع
مروة
معلش ياماما اصل وانا نازلة عديت على اماني ننزل سوا هاتيه
نوال
ماتدخلي جوه احسن
مروة
نوال
لا ياختي خليكي انتي اعده بابنك وأماني تشطبة عشان مش هتعرف تسكتة لما يعيط أصلها ياعيني ولا خلفت ولا تعرف العيل بيسكت ازاى
انا سمعت كلام حماتي والدموع نزلت ڠصب عني ومروة لما اخدت بالها قالتلها ان شاء الله ياماما بكرة اماني تخلف ويبقا عندها عيال اكتر مني
يارب يامروة هو انا اكره يعني
اماني
طيب انا هطلع فوق في شقتي طالما مش هعمل حاجة هنا عن اذنكم وسبتهم وطلعت واڼهارت في العياط ومكنتش قادرة اخد نفسي
ورجع شريف من العيادة بتاعته ودخل عند حماتي
نوال
هو انتي يابني مش ناوي تفرحني بقا
شريف
افرحك ازاى ياماما
نوال
انت فاهم ياشريف فاهم وعارف انا اقصد ايه انا بتكلم على موضوع الخلفة
تاني يا أمي هنتكلم في الموضوع ده انا مش قولتلك كذا مره اننا بناخد علاج انا واماني وربنا يكرم
نوال
طيب ماتعملها عمليه الحقن المجهري اللي بتعملوها للستات وتخلوها تخلف دي
شريف
منا هعملها لاماني بس مستني بس تخلص العلاج اللي هي بتاخدة
نوال
ايوه قولي بقا انه العيب منها ومش عارفه تخلف وانت بتعالجها
يا أمي أنا مقولتش كده انا قولت انه العلاج ليا انا وهي يعني العيب فينا احنا الاتنين
نوال
لا هي العيب منها انا متأكدة وعشان كده بقولك انت لازم تتجوز وتجبلي واحدة تخلف العيل اللي نفسك فيه
شريف
لا طبعا يا أمي أنا عمري ماهتخلي عن اماني ولو سمحتي متتكلميش في الموضوع ده تاني عشان خاطري ياماما
لا حول ولا قوة الا بالله هو انا كل مارجع من برة ادخل الاقيكي اقعده بټعيطي هو في ايه يا اماني هو احنا مش هنخلص من النكد ده بقا
اماني
ايوه مانت مش حاسس بيا خالص ولا عارف اللي بيحصل والكلام اللي بسمعة كل يوم من مامتك وبيحرق في دمي مانت مش خسران
حاجة
شريف
لا عارف كل حاجة يا اماني بس بأيدي ايه اعمله ومعملتهوش وبعدين انتو ليه مش قادرين تفهموا انه لسه وقته مجاش وكل حاجة بايد ربنا
