روايه جزيره الاناكوندا

احمر أكتر وحور كانت بصالهم بضيق وقالت ممكن نمشي بق 
علي لا هتركبوا معايا 
حور من لميس وقالت خلينا نركب معاه علشان نخلص 
لميس هزت راسها وعلي ركب في مكان القيادة و حور تركب جمبه ولاكنه قال برفض اركبي ورا 
حور بغيظ ودا ليه انشاء الله! 
علي بابتسامه مراتي الي هتركب جمبي! 
لميس اول ما سمعت كلامه اتوترت ولاكنها حست بشعور غريب اوي وقلبها فضل يدق جامد وفعلا كانت حور قاعده ورا ولميس قاعده جمب علي 
وفي العربيه كان علي بيبص ل لميس كل شويه ولميس كل مره وشها يحمر وتتوتر وكانت حور متابعه الي بيحصل بينهم لحد ما وصلوا قدام الشركه 
حور نزلت الاول وعلي قال ل لميس خلي بالك علي نفسك وعلي المجنونه بنت خالتي دي كمان 
لميس ابتسمت وقالت حاضر 
علي طلع مبلغ من هدومه وقال خلي دول معاكي 
لميس برفض لا والله انا معايا! 
علي برفض امسكي بس واسمعي الكلام ومتنسيش اني المفروض جوزك وانتي مسؤله مني دلوقت ! 
اتوترت لميس اكتر واخدت الفلوس منه ونزلت وهيا بتبص عليه بخجل لحد ما من حور وقالت خلينا نمشي! 
 حور باستغراب من شكلها ايه يا بنتي مالك هو باسك ولا ايه! 
لميس ضړبتها في رجليها وقالت انتي مجنونه اكيد لا! 
حور ابتسمت وبصت لعلي وشاورلته يمشي وهوا مشي وبعدها دخلوا للشركه!!! 
وطبعا لميس قررت انها مش هتعرف اي حد بموضوع جوازها لحد ما تشوف هيعملوا ايه واكدت علي حور انها متقولش لحد وحور اكدت عليها انها مش هتعرف حد وبعدها كل واحده راحت لشغلها 
حور اتجهت لمكتبها وبدات تشتغل لحد ما فجاه شمت ريحه برفان هيا عرفاها كويس رفعت عينيها لقيت ان رشيد واقف وهوا لابس بدله رسميه كالعاده وحاطت ايديه في جيبه وقال صباح الخير 
حور بهدوء صباح النور يا مستر رشيد تحب حضرتك تشرب قهوه 
رشيد هز راسه وقال ياريت والله وهاتيها علي مكتبي! 
حور هزت راسها وهوا دخل لمكتبه وقامت هيا تجهز القهوه وبعدما جهزتها دخلت مكتبه وحطت القهوه علي المكتب بهدوء وهوا بصلها وقال شكرا يا حور 
حور هزت راسها بابتسامه خفيفه وقالت تحب اقول لحضرتك جدول اليوم 
رشيد اتفضلي 
حور بدات تقول مواعيد اليوم لحدما وقفت عند موعد وقالت الانسه يسرا هتروح تستقبلها من المطار 
 رشيد هز راسه وقال تمام ايه اخر حاجه 
حور كدا خلاص يا فندم 
رشيد تمام تقدري تتفضلي 
حور خرجت وهيا بتفكر يا تري مين يسرا دي الي هيروح بنفسه يستقبلها من المطار فضلت تتخيل حجات كتير لحد ما سمعت صوت رجولي بيقول صباح الخير يا شاطره هو رشيد موجود 
رفعت حاجبها باستغراب وهيا
بتقول شاطره !! 
قالت كلمتها ولاكنها وقفت پصدمه وهيا بتقول بابا!!!! 
الشخص دا باستغراب انتي بتكلميني انا 
حور پصدمه انت !! عايش!!!
الشخص باستغراب انتي مجنونه ولا ايه بقولك فين رشيد 
حور فضلت تبص عليه پصدمه لحدما رشيد خرج علي صوته العالي وقال الكلمه الي خلتها مبقتش مستوعبه الي بتسمعه عمي انت ايه الي جابك بس
وقفت تبص عليه وهيا مش مستوعبه لحدما قالت عمك!! 
رشيد بصلها وقال انتي كويسه 
حور پصدمة انت تعرف الراجل دا 
رشيد بصلها بعيون حمرا وقال حور انتي عارفه انتي بتقولي ايه 
حور دموعها بدات تنزل وهيا بتقول طبعا عارفه انت بجد عارف الراجل دا 
رشيد هز راسه وقال ايوا اعرفه الشخص دا كان بيبصلهم باستغراب ومش فاهم ايه الي بيحصل لحدما حور قالت الراجل دا يبق ابويا 
رشيد اټصدم وقال انتي بتقولي ايه!! ابوكي ازاي دا يبق عمي! 
يتبع 
الكاتبة شيماء صبحي 
جزيرة الأناكوندا
الجزء الخامس عشر 
جزيرة الأناكوندا 
الكاتبة شيماء صبحي 
الشخص دا كان بيبصلهم باستغراب ومش فاهم ايه الي بيحصل لحدما حور قالت الراجل دا يبق ابويا 
رشيد اټصدم وقال انتي بتقولي ايه!! ابوكي ازاي دا يبق عمي! 
وقفت حور بزهول وقربت من الشخص وقالت بابا انا حور بنتك انت مش عارفني ازاي! 
رشيد وكأنه عارف حاجه ومخبيها !!
بص علي الشخص والي اسمه احمد وقال اتفضل عندي في المكتب وانتي يا حور هاتي اتنين قهوه علي المكتب 
حور هزت راسها ورشيد اخد احمد ودخلوا المكتب وقال انت جيت دلوقتي ليه 
احمد بص لرشيد وقال هي دي بنتي بجد!
رشيد هز راسه وقال ايوا هيا بنتك 
أحمد بصله وسكت لحدما حور دخلت للمكتب

وهيا شايله القهوه وفضلت تبص لاحمد بحزن وبعدها رشيد طلب منها تقعد 
وقال انتي بتسألي هو ابوكي ولا لا 
حور هزت راسها وقالت ايوا ابويا بس ازاي مش عارفني! 
رشيد ممكن تهدي علشان اشرحلك الي حصل بالظبط! 
حور بتمسح دموعها وبتقول حاضر
بتهدي ورشيد بيبدا يحكي 
البشمهندس احمد مختفي بقاله 10 سنين ودا لانه كان مخترع اله زمنيه بتقدري من خلالها تروحي لاي زمن انتي عيزاه وطبعا دي كانت حاجه محدش مصدقها ولانه كان واثق في شغله ومجهوده قرر بنفسه يجرب الاله ويشوف هل هيا بتنقل للزمن بجد ولا مجرد اي كلام 
دخل الاله بنفسه وخرج منها بعد سنه وفي الوقت دا كانت في شركه أجنبيه كان هوا عرض عليهم قبل كدا يشتروها ولاكن هما مصدقهوش ولاكن بعدما لاحظوا انه دخل للاله وغاب فيها كانو مراقبينوا